Chief Minister Pu Zoramthanga'n tukina Durtlang BSUP building complex a chhiatrupna thlenna hmun a tlawh naa Chief Secretary hova hma lak chhunzawm dan tur ruahman tura a beisei dan angin UD&PA Department, Disaster Management & Rehabilitation Department leh Geology and Mineral Resources Department chu an thukhawm a. An thu rel chu vawiin chawhnu khan Chief Minister pisa ah report pe in Chief Secretary Pu Lalnunmawia Chuaungo, Finance Commissioner Pu Vanlal Chhuanga, UD&PA Secretary Dr. C. Vanlalramsanga leh mi pawimawh dangte an thukhawm.

Leitawlhin BSUP building pathum a hnawl chhiat bakah helai hmun a in la dinglai luahtu zawng zawngte chu furin a chim dawn avanga mitin an him tlan zawk nan a remchan dan ang zela sawnchhuah dan tur ruahmanna siam rel nih thu te, helai hmun venhim hna thawk tura a thei thei tanrual a thawhho chungchang leh technical investigation nei a chik taka a hmun pumpui a enfiah a, a hlauhawm dan te zirchian ni bawk se tiin rel a ni.

Mithiamte chuan Durtlang BSUP building chu a structure a ngheh that viau avangin na taka sut tawk mahse a chhe tlem zawk niin an sawi a. BSUP a chhiatrupna thlengah technical negligence a awm thei em tih zirchian ni bawk se tiin an rel a ni.

DM&R chuan Aizawl khawpui chhunga veng hrang hrang a pialtlep lei tan chunga In sak mek emaw In dinglai te chu a hlauhawm theih dan te zirchiang turin hmalak ni se tia rel a ni bawk.