Padma Shree Buangi Sailo hlabu 'Zoram Rose par' tih chu I & PR Auditorium-ah nimin chhun dar 12 khan Pu TT Zothansanga, MLA chuan a tlangzarh.
Pu Zothansanga chuan lehkhabu (Hlabu) release pahin Padma Shree Buangi Sailo, Mizo nu ropui, thu leh hla lam bakah Education lama Mizote tana thawh hlawk tak, National Award engemaw zat lo dawng tawh chu chhuanawm a tih thu leh a hlabu release tu a a tang chu lawmawm a tih thu a sawi.

Zoram Rose Par tih hlabu hi Pi Buangi Sailo hian a fanu te ber Maria Zoremmawii (Nauteii) kum 2000 kuma boralta chawia a phuah niin, a hla phuah 155 a awm a, a man Rs. 200/- zel a ni.