33KV Substation hawng tura vawiina chhuak P&E Minister Pu R. Lalzirliana chu Buarpui mipui te nen Information Centre ah inkawmhona an nei.

Buarpui mipuiin an mamawh an lo thlente chu Minister chuan theih ang anga lo enzuipui a tum thu a sawi a. Buarpui khua chu khaw vannei, khawi ti zawng pawha kawng thain a la tlawh tur anih thu leh Airport leh hmun dang pawh turin kawng siam mek a nih thu leh hma lak zel a nih thu a  sawi.

P&E Minsiter chuan Bialtu naupang leh viak tha tak Pu Chalrosanga an neih avanga vanneih an nih in hre tur leh amah pawhin parthi pawh ngai lova khawtual mi anga an lo ngai chu a fak a. Vawiinah hian Buarpui khawtlang ten an mamawh an thlente zing a mi Govt Middle English School tan Computer an dil chu a pe nghal a ni.

Minister Pu R. Lalzirliana, Pu Chalrosanga Bialtu MLA, Pu R.Vanlalvena MLA bakah P&E Department hotu liante hi Buarpui-ah riakin naktuk dar 11:00 ah 33KV Sub Station hi hawn a ni ang.

Inkawmhona hun hi Pu Chhimtlangthanga Ralte, Village Council Chairman in a kaihruai a ni.

Attachment

  • Loading attachment...