Bhagwan Mahaveer Foundation chuan kumin hian India khua leh tui dik tak leh Pawl (Institutions), Mahaveer Award dawng tlakte hnenah hlan leh a tum a. A dawng tlak dil duh emaw, rawtna emaw thehluh theih hun chhung hawng mekin, July Ni 31, 2018 thleng dilna hun hi a hawng dawn a ni.

Nomination field hrang hrang awmin chungte chu:

1. Non-violence & Vegetarianism (tharum thawh lohna leh thlai chauh ringmi ni tura mite zirtir thintu langsar)

2. Education (Zirna lama thawk tha)

3. Medicine (Damdawi lama thawk tha)

4. Community & Social Service (Mipui leh vantlang tana thawk tha)

5.Women Entrepreneur/Achiever with Indian values (Hmeichhia, mahni thiamna leh remhriatna hmanga sumdawnna hlawhtling taka kalpui)

Lawmman hian pawisa fai cheng nuai 10, Citation leh Momento a keng tel ang. An hnathawhte chu tun hnai maia an thawh te atanga teh tur a ni a, tehna pawimawh ber pakhat chu an hnathawh chu hnam hnuaihnung zawk leh mirethei zawkten an chhawr tangkai em tih a ni. Rawtna thehluhna tur Form hi www.bmfawards.orgah lak theih a ni ang.

Bhagwan Mahaveer Foundation hi kum 1994 khan din niin mimal leh pawl, hnam hnuaihnuang zawk tana thawk thate kumtin an chawimawi thin a ni. Award dawng tur te hi Chief Justice of India pawh lo ni tawh, Justice M.N. Venkatachaliah hovin an thlang dawn a ni.