472/2023-2024

Lunglei the 17th May 2023: Vawiin khan Agriculture Minister Pu.C.Lalrinsanga leh Bialtu MLA ni bawk hmalakna in Buarpui PHC ah Free Clinic neih a ni.

Free Clinic hawnna program-ah hian Pu.C.Lalrinsanga chuan thu sawiin ram hmasawn tur chuan hriselna a pawimawh a, thingtlang mi te tan khawpui zawkah in entir tura kal a harsat avangin Health & Family Welfare Department ruahmanna in Buarpui PHC ah Buarpui leh a chhehvel khua te tan Free Clinic buatsaih a ni chu lawmawm a ti a, PHC level ah Doctor thiamna hrang hrang nei dah theih a nih loh avangin PHC hmun a kal chilh a, in entirna hun buatsaih a ni thin a ni, he free clinic ah hian Dr ZR Thiamsanga, Vice Chairman Health & Faminly Welfare Board ho a Aizawl leh Lunglei atanga Medical team ten damlo entur a an rawnkal avangin fakawm a tih thu a sawi bawk. Damlo in entir zawng zawng te damna chang vek turin duhsakna a hlan a ni.

He hun ah hian Dr. ZR.Thiamsanga, Vice Chairman Health & Family Welfare Board pawhin thu sawiin Mizoram sawrkarin hriselna hi a ngaih pawimawh avangin Free Clinic hi buatsaih anih thin thu a sawi a, Buarpui leh a chhehvel khua atanga damlo in entir tura lokal ten an hlawkpui ngei theihnan duhsakna a hlan a ni.

Free Clinic ah hian Medicine, Naupang, Hmeichhia, Doctor thiam ten damlo te an en a, khaw hmu thalo tan mit entirna siam a ni bawk, Free clicnic ah hian Buarpui leh a chhehvel khua atangin damlo 300 bawr vel an in entir a ni. Aizawl atangin Doctor leh thawktu 14 leh Lunglei a tangin Doctor leh a thawktu 3 ten damlo te an en a ni.

Agriculture minister Pu.C.Lalrinsanga hian Chalbuta lo mual Agriculture Link Road a hmun ah a en bawk.