Finance Department leh Planning & Programme Implementation Department chuan Budget 2015 - 16 chungchang sawifiahna hetiang hian thuchhuah asiam:

Budget 2015-16 chungchang Mizoram Legislative Assembly neih zawh tak a sawihona, zawhna leh chhanna leh Budget documents a data tarlan te hriat fuh tawk loh avang leh thil kal hmang hriat dan diklo avanga thu diklo thenkhat a awm avangin a hnuai-ah hian mipui ten thudik leh thil kal hmang an hriat theihnan Budget 2015-16 chungchang hi tarlan a ni.

1. Budget Session neih zawh taka sawrkar hnathawk zat chungchanga zawhna leh chhanna diklo anga sawi kha hriat fuh loh palh a ni a, data diklo engmah tarlan a awm lo. DP&AR Deptt. in sawrkar hnathawk zat zawhna a chhanna leh Budget Document “Salary & Employment Data” in ang lo kha data dik lo a awm lova. Member in DP&AR Deptt. a zawhna ah hian chiang takin sawrkar hnathawk “Regular” leh “Contract” tia zawh anih avangin chutiang ang chuan chhannaah pawh tarlan a ni. Budget Document “Salary & Employment Data” ah chuan Regular leh Contract bakah Muster Roll a thawk mek te, Centrally Sponsored Scheme hnuai a thawk mek te, Public Sector Enterprises a thawk mek te, office hrang hranga co-terminus basis a thawk mek te, Commission leh Board hrang hrang a thawk mek te an tel vek thung a ni. Salary & Employment Data 2015-16 kawmah hian chiang takin “Salary & Employment Data in Government, PSUs and Aided Institutions” tiin tarlan kher kher nghe nghe a ni. Heng information te hi mipui hmuh theih turinwww.mizofin.nic.in home page ah dah a ni.

2. Budget Session neih zawh taka Sawrkar hnathawk hlawh zat chungchangah chhanna diklo awm anga sawi kha hriat fuh loh palh bawk a ni a, data diklo engmah tarlan a awm lo. Starred question chhanna a non-plan leh plan head a hlawh (salary and wages) atana sum ruahman zat a hrang ve ve a percentage tarlan a ni a. He percentage pahnih (50.88% leh 10.43%) tarlan hi belhkhawm in 61.31% lai hlawh a hmang anga ngaih mai hi a dik lova. Entirnan, Sawrkar School 5,000 a student ah hmeichhia 10% awm ta se, Private School 100-ah hmeichhia 60% awm ta se, a percentage belhkhawm chuan 70% kha hmeichhe students an ni dawn a. Hei ang chiah hian Plan Head leh Non-Plan Head sum tam dan intluk lo atang hian an pahnih atana hman intawm tur percentage lak mai theih a ni lo a ni. Sawrkar School leh Private School-a hmeichhe Students percentage hriat dawn chuan Sawrkar leh Private School zawng zawnga Students zat belhkhawm atanga Sawrkar leh Private School a hmeichhia Students zat atanga a percentage chu hriat theih a ni ang. A chhut dan tur dik taka chhut chuan sawrkar hnathawk hlawh a hman hi budget pumpui atangin 37% vel a ni. Heng data te hi a duh apiang hmuh theih turinwww.mizofin.nic.in home page-ah budget documents dang zawng zawng te nen dah vek a ni.

3. Hmasawnna atana sum hman (Development Expenditure) hi definition fel tak nei India ram Central leh States ten ram pumah ang khat vek hman a ni a. Mizoram a mi thenkhatin hmasawnna atana sum hman sawifiahnan “capital expenditure” an hmang a, sawrkarin hmasawnna atan sum hmang tlem lutuk angin an sawi mai a. Hei hi hriat fuh tawk loh vang a ni. Capital expenditure hi budget head a asset siamna atana sum hman tur ruahman dahna a ni a, capital expenditure hnuaiah hian developmental expenditure leh non-developmental expenditure component a awm ve ve a ni. Revenue expenditure pawh sawrkar inrelbawlna anga tarlan ni mahse revenue expenditure ah hian ram hmasawnna atana sum hman (developmental expenditure) leh inrelbawlna (non-developmental expenditure) component a awm ve ve a ni.Indiaram hian international / global data leh statistical standards hrang hrang a subscribe avangin heng definition te hi khawvel ram tinah an hman dan a in ang tlang hle bawk. Capital expenditure chauh hi Development thawhna a ni lo a ni.

4. RBI hian State Budgets te zirchianna kum tin a tichhuak thin a. Hei hi official a Sawrkar laipuiin a rin leh hman ber a ni a, research beihna atan pawh Institution hrang hrangin an pawm ber leh International Institutions te pawhin an hman ber pakhat a ni bawk. He publication hnuhnung ber May 12, 2015 a chhuak a tarlan anih dan chuan Mizoram hi India ram state zawng zawng zingah budget atanga za zel a chhut a hmasawnna atana sum hmang hnem ber State kan ni a. Gross State Domestic Product (GSDP) atanga chhutin Mizoram chuan 2012-13 (actual) ah Developmental Expenditure-ah 44% zet kan hmang a, India ram a States zawng zawng developmental expenditure to GDP erawh chu 9.7% chauh a ni. (Assam 13.6%, Sikkim 22.6%, Tripura 18.7%, Arunachal 37.9%). Kum 2013-14 (RE) ah pawh Mizoram chu pakhatna bawk niin 53.1% lai kandevelopmental expenditure to GSDP a ni. 2014-15 (BE) ah pawh pakhatna bawk hauh leh in kandevelopmental expenditure to GSDP chu 38.9% a ni a, Indiaram States zawng zawng chawh rual developmental expenditure to GSDP chu 11.6% chauh a ni thung. BE leh RE te khi estimates chauh anga ngaih rih anih pawhin 2012-13 actual  erawh hi chu accepted data a ni. Heng data te hi zirchiang a en fiah duh tan RBI website link www.rbi.org.in/scripts/PublicationsView.aspx?id=16323 ah enfiah theih  a ni.India ram State Finances dinhmun mipui te zirchian leh enfiahturin RBI leh Central Sawrkar Ministries hrang hrang te website-ah en theih a ni.

5. State Matching Share chungchangah budget-ah 90:10 anga dah (estimates) anih hnuah sharing pattern 50;50 a thlak anih avangin budget rintlak ta lo anga sawi a awm a. Hei pawh hi thil kalphung hriat fuh tawk loh vang a ni. Hei tunah phei chuan CSS tam ber hi 90:10 a thlak a lo ni leh ta a. State Matching Share tur hi central share release ang zel a matched tur anih avangin Planning Department-ah simulations hrang hrang fel taka tih hnuah provision sum awm dan mila dah a ni a. SMS sharing pattern inthlak avanga budget dik lo duai thei tur ang mai mai a budget kalpui a nilo, Budget-a sum neih dan mil in Centrally Sponsored Scheme pawh sawrkarin SMS pe in a kalpui dawn a ni.

6. Mizoram Sawrkar chuan theihtawp chhuahin ram hmasawnna chak taka kalpuiturina thawk mek a. Budget chungchanga thil hriat duh leh zirchian chak  nei chuan  sawrkar thuneitute eng tik lai pawhin biak rawn theih reng a ni.