Kum 1987 a Central YMA in hnathawh uar kum a hman tuma hnathawk tha 10 thlan chhuah zinga mi Buhban Branch YMA chuan 14.10.2011 khan Diamond Jubilee lawmna ropui tak Buhban Govt. Middle School a an neih chu Pu Chawngtinthanga, Parliamentary Secretary chu khuallian niin a hmanpui.

Buhban Branch YMA hian kum 2004 a Saitual Group YMA in an huam chhunga zuk leh hmuama chhungkaw fihlim tam an thlan ah khan pakhatna an lo ni tawh bawk a, kum 2009 khan Saitual Group YMA in krismas leh kumthar vuakvet ah puakthei khuahkhirh an puan khan a titha pakhatna an lo ni tawh bawk a ni.

Diamond Jubilee lawmna inkhawmah hian Pu Chawngtinthanga chuan Souvenir a tlangzarh a, kalkhawmte hma ah thusawiin khaw tinah khawtlangin kan do tur pawimawh ber pakhat chu nawmchenna a nih thu sawiin, ram leh hnam siam tha tur hian keimahni kan insiam that phawt a tul thu a sawi bawk.

Pu Chawngtinthanga chuan, Buhban Branch YMA te chu khawtlang rawngbawlna leh ram siamthat nan thahnem ngai taka an thawh thin angin thawk chhunzawm zel turin a ngen bawk a ni.