Mizoram sorkara Finance Department chuan Fiscal Reforms hmalakna atan kum 2009-2010 atang khan Mizoram Public Resource Management Program (MPRMP) a tan a. He programme atan hian Asian Development Bank atangin US Dollar maktaduai 100 puk (loan) a ni. He programme hnuaiah hian Mizoram sorkar sum leh pai hmasawnna atana hmalakna hrang hrang ruahman a ni a, chungte chu : 1). Tax & Non-Tax Reforms, 2). Debt Management, 3). Public Expenditure Reforms, 4). Sector Improvement in Health & Education 5). Public Sector Enterprise Restructuring.

Heng programme pawimawh tak tak hmang hian Mizoram sorkar chuan hna eng emaw zat a thawk tawh a. Chung zingah chuan state revenue tih pun te, leiba sang lutuk tihhniamna tur te, mumal zawka sorkar sumsen vil te, Medium Term Expenditure Framework hmanga sum hman enkawl te, Sorkar Company a remchan dan anga siamrem thar te, Treasury Computerisation leh Cheque Payment System te hi he programme peng pawimawh tak tak, Public Expenditure Reforms programme tihhlawhtlinna hmanrua te chu an ni.

Treasury Computerisation atan hian hun engemaw chen atang khan Finance Department chuan ngaihtuahna a lo seng tawh a. India ram hmun danga mite tihdante enkual a ni a, amaherawhchu Treasury payment system leh Accounting procedure-te a lo danglam hlawm avang leh, sum leh pai harsatna avangin duh anga tih nghal a remchang lo va. Tunah chuan MPRMP hnuaia Technical Assistance Fund atangin hei hi tih thei a ni ta a. He hna thawk tur hian Mizoram sorkar chuan INGAF(CGA, GoI) leh NIC (GoI) te nen thawhhona thuthlung ziak a ni a, anni ruahmanna hian treasury computerisation atan COMPACT Software hman a ni.

Treasury Computerisation leh Cheque Payment System chu tarlan tawh ang khan October ni 3, 2011 khan Finance changtu Parliamentary Secretary Pu K.S.Thanga chuan Aizawl South Treasury-ah a hawng tawh nghe nghe a ni.