Food Civil Supplies and Consumer Affairs Department chuan Mizoram mipui te’n ei leh bar chungchanga him tak leh hnianghnar taka kan awm theihna atan hma a la zel a. Sawrkar in a agency hrang hrang te hnen atanga buhfai a leinaah te pawn, mipui te ei atana him tawklo ni a ngaih te chu hnawl (reject) mai a ni thin a, tun thleng hian ration buhfai tha lo ei avanga hriselnain a tawrhphah thu dawn a la ni lo a ni.

Tun hnaiah chanchinbu leh news media thenkhat-ah te Sawrkar supplier buhfai tihchingpen lai man a nih thu tarlanna-in mipuite a ti thlabar hle a, Department chuan pawi a ti tak zet a ni.

Tun dinhmunah Food Civil Supplies and Consumer Affairs Department chuan Food Corporation of India (FCI) leh MIZOFED Ltd-te bak mimal emaw supplier dang a nei lo va, tin, MIZOFED Ltd. hnena Sawrkar in buhfai Supply Order a pek hnuhnung ber chu September Ni 30, 2016 khan MIZOFED Ltd. chuan an rawn dah kim vek tawh a.

Hei bak hi Supply Order pek leh a la awm lo a ni. Chuvangin tuna buhfai tih chingpen nia sawi hi sawrkar buhfai a ni lo va, tun dinhmunah buhfai a tarn tawk avangin, FCI hnen atang lo chuan, lei belh tumna pawh a la awm rih lo a ni. Buhfai hi free item a nih avangin, mi tupawhin sumdawnna’n an hmang thei a, buhfai van lai a nih loh chuan, FCS&CA Department a inrawlh ngai lo. Department chuan a van lai a nih loh chuan Ration buhfai chauh a enkawl a ni.

Chuvangin he thil ah hian chiaina tur a awmlo tih Department chuan mipuite a hriattir e.