Aizawl Municipal Council hnuaia Dawrpui Vengthar Local Council member boral avangin a hmun ruak hnawhkhah nana Ni 31.10.2016 a inthlan buatsaih chu zawh a nih hnuin State Election Commission chuan inthlanna tluang leh hlawhtling tak neih theih nana Deputy Commissioner leh a thawhpuite inpekna leh, venhimna hnathawktu Police te, Returning Officer, Presiding Officer leh Polling Officer te bakah Mizoram People Forum (MPF) te hmalaknaah lawmthu a sawi a ni.

He inthlannaah hian Dawrpui Vengthar Local Council Constituency a vote nei thei mi 2599 atangin mi 1515 ten vote an thlak a, Candidate pathum zingah Pu Robert Zosangliana, MNF party candidate chuan vote 739 hmuin tlingah puan a ni.