Superintendent of Police, Traffic, AizawlCitychuan hetiang hian thuchhuah a siama ni :
Aizawl to Sairang Road National Highway No.54 Edenthar Veng pen thlakna bul kawngpui chhuat bal avanga Dt.26.10.2016 tlai atanga Lirthei lian HMV a inchhawk a tlan tlang theih tawh tih hriattirna lo chhuah tawh Vide No.RO/TRF/SP-Noti-7f08.H346 Dated Aizawl, the 27th October, 2016 chu helai kawng chhuat hi a tlak belh leh tak avangin lirthei lian (HMV) eng chi mah Hunthar Veng, Company leh Bawngkawn inkarah a tlan tlang thei lo va, chuvangin a hnuai ami ang hian Pu Lalthanmawia Traffic Sp chuan Mizoram State Sawrkar-Notification No.B. 12021/10/04-TRP Dt.22.8.2008 leh Section 115&117 MV Act 1988 in thu neihna a pek angin mipui vantlang leh kawngpui hmangtute remchan zawkna tur leh him zawkna atan Lirthei 407 truck chin chunglam tlan dan tur ruahmanna a siam a, helai kawngpui hmangtu tur ten ngaipawimawha zawm theuh turin a hriattir a. Phai lama bungrua chahtute leh phurtute pawhin kawngpui chhiat chhung hi chuan motor lian(ke sawm leh ke sawmpahnih) neite hmang lo turin thuchhuah a siam ani.
1. Kawnpui to Aizawl via Zanlawn, Sihphir, Durtlang etc. kawngpuiah Lirthei lian (HMV ke sawm leh ke sawm pahnih tiam lovin) te chu zan dar 5:00 PM atanga zing dar 6:00 AM hma ngeia Aizawl lut hman tura tlan tur a ni.
2. Aizawl to Kawnpui via Zanlawn, Sihphir, Durtlang etc. kawngpuiah Lirthei lian (HMV)te chu zing dar 8:00 AM atanga tlailam dar 2:00 PM inkarah Aizawl khawpui tlan tlang lovin Zemabawk lam atangin Kawnpui lamah chauh tlan phal a ni.(Aizawl khawpui chhunga No Entry period dar 7:00 AM - 7:00 PM chu a pangai renga kalpui ani ang).
3. Sairang lama atanga Lirthei lian (HMV) lo kalte chu Ch.Saprawnga Truck Terminal thleng chauh a tlan theih ang. Tul bik thilah chuan Vaivakawn kal tlanga tlan dan tur Traffic police ten zan lam dar 10:00 PM pelh hnuah a tul angin ruahmanna siamin vaivakawn kal tlang a Aizawl khawpui chhung luh dan tur an siamfel ang, zing dar 3:00 hnu lamah chuan Ch.Saprawnga Terminal atanga Vaivakawn lam pana Company peng lama tlan tlang phal a ni lo.
4. Templeto vaivakawn ah Motor lian chhuk leh chho zawnga tlan a ngaih dawn avangin zan dar 9:00 leh zing lam dar 7:00 inkarah Motor eng chi mah kawngpui dungah dah phal a ni lo.
5. Templeto vaivakawn inkara Motor tlan dan tur chu hetiang hian ruahmanna siam a ni.
(i) Vivakawn toTempletlan theih hun dar 10:00 PM to 2:30 AM.
(ii)Templeto Vaivakawn Dar 3:00 AM - 6:30 AM.
6. 407 Truck leh MMV te chu Aizawl khawpui chhungah an lut duh a nih chuan Lungverh peng to Chhangurkawn via Sakawrtuichhun, Ramrikawn etc. kal tlangin Chhangurkawn atangin zing dar 10:00 AM to 4:00 PM inkarah Khatla kawn via Chawnpui, Kanaan, New . Secretariat Complex, etc. panin an tlan thei ang.
7. Aizawl atanga 407 Truck Sairang lam kal turte chuan chhun dar 10:30 AM to 4:00 PM inkarah Temple Square to Company peng via Vaivakawn, Hunthar Veng, etc. an tlan thei ang.
8. Company peng leh Vaivakawn inkarah 407 Truck leh a chunglamte chho zawngin zing dar 7:00 AM to 8:00 PM inkarah tlan chhoh phal a ni lo.
9. Luangmual lama Truck ruak Sairang lam pan turte chuan Vaivakawn kal tlang lo in dar 6:00 Pm - zing dar 2:00 AM inkarah Ramrikawn to Lungverh road via sakawrtuichhunah tlan tur ani.
He hriattirna hi ni 3.11.2016 atanga a chunga sawi kawng chhe lai siamthat a nih hma loh chuan hman tur a ni ang. Tin, a tul anga tih danglam theih a ni bawk ang.
He thupek hian chhiatrupna thil kangmei leh emergency kaihhnawih a dan leh thupek pawimawh bik a duty-te chet velna a huam lovang.
