519/2025-2026

Aizawl dated 21st May, 2025: Vawiin khan PWD Minister Pu Vanlalhlana hovin Buichali leh Sairang inkara kawng chhe zual lai te chu Public Works Department (PWD) a thawktute, National Highways and Infrastructure Development Corporation (NHIDCL) a thawktute, Mizoram Truck Owners Association (MTOA) leh MTDA aiawhte nen a hmun ah kalin an enfiah a ni.

PWD Minister chuan NH06 chu Mizoram chak lakna kawngpui pawimawh ber te zing ami a nih angin, engtik lai pawha lirthei zawh tlaka siam a tul thu a sawi a. NHIDCL hotute chu mipui, a bikin lirthei hmanga eizawng ten harsatna an tawh dante hrilhfiahin, tun aia chak lehzuala kawng siam hna kalpui turin a chah.

Vawiina kawngpui en hona ah hian hmun sawmhnih dawn laiah truck lian tana zawh harsa khawpa chhia a awm tih hmuh a ni a. NHIDCL, MTOA leh MTDA te chuan May ni 23, 2025 atanga sawt lehzuala kawng siam hna kalpui a nih theih nan inrawnkhawmna an neih tur thu an tarlang a. Lirthei neitu aiawhte hian chak zawka kawngpui siam a nih theih nan kawng siam chhung, zing dar 9 atanga tlai dar 5 thleng lirthei din tir an inhuam thu an sawi bawk a ni. 

Minister hi Er. Robin Lalrinawma, Chief Engineer (Highways), Pu Binod Kr. Srivastava, PMU Kolasib GM(P) te bakah MTOA leh MTDA Office Bearer thenkhat ten an tawiawm a ni.