Kawlphetha 12 MW pechhuak thei tur Serlui B Hydel Project tui khuahin a chim tur Builum khua chhungkua engemaw zat lungawi lo an awm avanga enfiah tura din Enquiry Commission Chairman Pu S.L. Sailova IAS (Rtd.) chuan vawiin chhun khan Chief Minister aiawh Pu R. Lalzirliana, Home Minister chu a hmu. Inquiry Commission hi Commission Member dang Pu C. Thanchhuma, Aizawl D.C. leh Pu H.L. Parthasarathy, CE, P & E ten an tawiawm a. Commission hmalak dan tur leh kalphung turte Home Minister ho hian an sawi ho.
Home Minister chuan chhungkaw 24 te lungawi lohna endik tur hian Commission member-te chu an mi rin ber te an nih thu lo hrilhin, complaint zawng zawng pawh tha tak leh dik taka an chinfel theih ngei a rin thu a lo hrilh a, thudik dah lal ber tur leh huaisen taka hmala turin a chah bawk a ni.
Hmalak zel dan tur an sawiho nghal a, ni 25.6.2009 (Ninga) hian Aizawl chhuahsanin Kolasib-ah complaint thehluttute hi ko chhovin an thu an ngaithla hmasa ang a, tichuan a hmunah thil nihphung chiang taka enfiah turin Builum an pan ang.
He Commission hian langtlang taka hna thawh an tum thu Home Minister chu an hrilh a, an hmalakna hrang hrangte chu kartina mipuite hriata puangzar ngei an tum thu an hrilh bawk.
An hna hi hun ruat thla 3 chhunga zawh theih ngei an inbeisei a, chutiang tur pawh chuan theih tawp chhuah a, Sorkar-in an chunga rinna a nghah ang ngeia he hna hi thahnemngai taka thawh ngei an tum thu an hrilh bawk.
Hmalak zel dan tur an sawiho nghal a, ni 25.6.2009 (Ninga) hian Aizawl chhuahsanin Kolasib-ah complaint thehluttute hi ko chhovin an thu an ngaithla hmasa ang a, tichuan a hmunah thil nihphung chiang taka enfiah turin Builum an pan ang.
He Commission hian langtlang taka hna thawh an tum thu Home Minister chu an hrilh a, an hmalakna hrang hrangte chu kartina mipuite hriata puangzar ngei an tum thu an hrilh bawk.
An hna hi hun ruat thla 3 chhunga zawh theih ngei an inbeisei a, chutiang tur pawh chuan theih tawp chhuah a, Sorkar-in an chunga rinna a nghah ang ngeia he hna hi thahnemngai taka thawh ngei an tum thu an hrilh bawk.
