Vawiin khan Bungtlang Primary School ah Mizoram State Cancer Control Society leh Mizoram State Cancer Institute ten Cancer Awareness Cum Free Clinic an buatsaih.

He Cancer Awareness-Cum-Free Clinic ah hian Dr.Lalbiakzuala M.S Senior Surgeon Aizawl Civil Hospital, Dr. Jerry Lalrinsanga Pautu D.M Oncologist Civil Hospital Aizawl, leh staff pasarih te Aizawl atangin an tel a, JN Hospital Serchhip atangin Dr. B.Lalduhawma M.S Gynaecologist, Dr.Janet Laldinpuii, BDS bakah ICTC Counsellor leh Technician engemawzat an tel a, E.Lungdar PHC atangin Dr.Malsawmsanga Khiangte M.D a tel bawk. Bungtlang leh a chhehvel khua atangin damlo thahnem tak inentirin vawiina damlo en zat hi mi 298 niin an zingah hian Papsmear - 19, Biopsy – 7, Ha entir mi 40 zingah ha phawisak mi 10 an awm bawk.

Nimin March ni 20, 2012 khan Khawlailungah he programme hi kalpui a ni tawh bawk a, hetah hian mi 263 inentirin Papsmear - 56, Biopsy – 5 lak a ni bawk.

He bakah hian heng khaw hnihah te hian Doctor te hian OPD an hawng nghal ve ve bawk a ni.