Lunglei District Magistrate leh Bawrhsap ni bawk, Pu V.Sapchhunga, IAS chuan hetiang hian thupek a chhuah a ni.
Mipui te tan kawng tha zawk kan neih theih nan tunlai hian Maudarh leh Pangzawl inkar National High way - 54 chu re-surfacing hna chak tak kalpui mek a ni a, he hna thawh hi lirthei vei vak a tam avangin a ti thuanawp bakah hnathawktute tan leh lirthei tan pawh intihpalh a hlauhawm avangin hemi kawng a lirthei tlan hi khap tulin a hria a Section 144 Cr. P.C. 1973 in thuneihna a pek angin a hnuai a tarlan hun chhung leh hmunah te hian lirthei eng chi mah tlan khap tlat a ni.
1. Bungtlang to Pangzawl : 8:00Am to 12:00 noon and 1:00pm to 5:00pm
2. Thiltlang to Leite : 9:00Am to 1:00pm and 2:00pm to 5:00pm.
He thupek hian election duty te leh ziaka District magistrate hnen atanga phalna neite a huam lovang. He thupek hi tihchhuah a nih atanga thlakhat chhung hman a ni ang.
