1875/2023-2024

LUNGLEI; the 14th September 2023 : Nimin khan Bungtlang West leh Buarpuiah Family Oriented SEDP 2nd Phase Beneficiary te tana buatsaih Sensitization and Briefing Programme chu Bialtu MLA leh Minister ni bawk Pu C. Lalrinsanga'n khuallian niin a hmanpui.

Pu C. Lalrinsanga chuan Covid 19 hrileng avangin Mizoram sorkar chauh ni lo sorkar laipui pawhin harsatna an tawk a, hetiang harsatna karah Mizoram sorkar in Flagship Programme SEDP tih hlawhtlin anih theih nan theihtawpin hma ala a, tunah 1st Phase 1st - 2nd Installment te semchhuah ani tawh a, 2nd Phase 1st Installment sem chhuah a ni leh dawn a, 3rd Phase hi kalpui leh thuai tura ruahmanna siam mek a ni a ti. Hetianga Sensitization & Briefing kan buatsaih chhan chu beneficiary ten SEDP tanpuina an dawn hi duh duh lei nana hman anih a hlau a, a hmanna tur dik taka an hmana eizawnna ngelnghet leh an khawsak dinhmun tih ?hat theih nana an hman ngei theih nan infuihna hun atana buatsaih anih thu a sawi a. Mi rinawm mi dik leh mi taima te chu an thil tih ah malsawmna an dawng ṭhin a, chuvangin SEDP 2nd Phase dawngtu te pawhin rinawmtak leh taima taka ṭanpuina an dawn te hmangtangkai turin a chah hlawm a ni.

Pu C. Lalrinsanga chuan a Dept enkawl Agriculture Department leh Irrigation & Water Resources Department hmalakna te tarlangin; buh leh bala intodelh theih nan leilet 484 hectares laih ani a. Leilet neitu ten a hlawkna an tel ?heuh nan Land leasing Act duan a ni, a ti. Hmarcha Metric ton 750 phairamah hralh chhuah niin Serchhipah ranchaw siamna khawl dah anih tur thu sawiin, 'W' Bungtlangah tel herna khawl dah tura ruahmanna kalpui mek a nih thu leh Buarpuiah pawh tel herna khawl bakah Cold Storage dah a nih tur thu a sawi bawk. Sazaikawn to Buarpui kawng PMGSY Scheme hmanga siam tum niin; hemi atan hian vaibelchhe 89.44 approved a nih tawh thu a sawi.

SEDP 2nd Phase semna-ah hian Line Department hrang hrang atanga Official ten fuihna thu an sawi hlawm bawk a ni.

Bungtlang West SEDP Sensitization & Briefing inkhawm hi Pu Lalzamlova BAO, Bunghmun Block in kaihruaiin; Buarpuiah Pu C. Malsawmkima DAO Lunglei in a kaihruai thung.

BUNGTLANG WEST atanga beneficiary zat:

1. Industry Department - 5
2. Vety Department - 16
3. Horticulture Department - 1
Total -22

BUARPUI atanga beneficiary zat:
1. Vety Department - 91
2. Agriculture – 3:
3. Soil Department- 5
4. Fishery - 1
Total - 101