1876/2023-2024

LUNGLEI;the 14th September,2023: Nimin chawhnu dar 1:00Pm khan DC Conference Hall-ah district bawrhsap Pi Ramdinliani kaihruaina hnuaiah District level Consultative Committee on Aspirational Block ten meeting an nei. Sawrkar laipui atangin Mizoram chhunga district 3 atangin RD Block pakhat theuh: Aizawl district atangin Reiek RD Block, Saitual District atangin Ngopa RD Block leh Lunglei district atangin LUNGSEN RD Block te chu Aspirational Block atan an lo thlang a. Chumi kawnga hmalak dan tur chungchangah meeting hi neih a ni.Hun kal tawhah khan sorkar laipui chuan Mamit District chu Mizoram district dang te aia dawmkan ngai leh ngaihven ngai zawk tur Aspirational District atan a lo thlang tawh a, tun tumah chuan lo sawr zimin Block levelah an lo thlang leh ta a ni.

Nimin meeting-ah hian Lungsen BDO office in an lo buatsaih Draft Block Development Strategy for Lungsen RD Block, Lunglei District chu chipchiar tak leh uluk taka zirho a ni a. He draft hi sorkar laipui in guidelines a lo siam zulzuia siam a ni. Lungsen RD Block hmasawnna tura hmalak dan tur chu Theme 5 hnuaia sector 9-ah SWOT( Strengths, Weaknesses,Opportunities & Threats) analysis hmanga duan a ni.

Theme 5 te leh an hnuaia sector te chu:

1. HEALTH & NUTRITION
(a)Health
(b)Nutrition

2. EDUCATION
(c) Education

3. AGRICULTURE AND ALLIED SERVICES
(d)Agriculture

4. BASIC INFRASTRUCTURE
(e) Basic Infrastructure
(f) Drinking water
(g) Sanitation

5. SOCIAL DEVELOPMENT
(h) Financial Inclusion
(i)Social development

Nimin meeting-ah hian Steering Committee for Aspirational Block din nghal a ni a, hmachhawp tihtur pawimawh hrang hrang te rel ho nghal a ni. Meeting Chairman Pi Ramdinliani chuan sorkar laipui hmalakna reng reng Data driven a ni a, chuvangin bul kan tan phat atang hian kan statistics te hi a dik hle tur a ni. Chu mi atan chuan concern department te inberawnin, hmuhhmaih a awm em? siam that ngai  a awm em? ti te hi fimkhur taka check reng tur a ni, a ti.