Nimin (15.9.2016) khan A.H & Vety Serchhip, IWMP Serchhip-II leh NEIDA tang ho chuan Awareness Campaign cum Animal Health Camp hlawhtling takin BNRGSK Hall Bungtlangah an hmang.

He Camp ah hian Dr. James Lalthansanga, Programme Officer NEIDA chuan PRRS chungchanga mipuite hriat tur pawimawh zirtirna hun a hmanga. Dr. H. Vanlalrawna, Veterinary Officer Serchhip chuan ran in sak dan chungchang leh ran enkawl dan chungchang zirtirna hun a hmang bawk. Tin. IWMP chungchang inhrilh hriatna Pu David Zodingliana, AE, DRDA Serchhip hnen atangin ngaihthlak a ni.

Chawhnu lamah Animal Health Camp neih chhunzawm a ni a, ran 119 zet entirin enkawlna pek an ni a, ran damdawi pawh a thlawna sem chhuah niin, Ui-a hri danna in ui 17 chiu a ni bawk.

Awareness Campaign hi Dr. Lalnghinglova, District A.H & Vety Officer Serchhip in kaihruaiin, A.H & Vety Department te, IWMP Serchhip leh NEIDA ten a huhova hma an lakna anih thu sawiin convergence programme hlawhtling taka an nei thei chu lawmawm a tih thu leh Bungtlang khua pawhin an chhawr tangkai ngei a beisei thu a sawi bawk.

He programme hi Bungtlang khaw mipuiten an hlutin an chhawr tangkai hle a, khawtlang hruaitute pawh an lawm hle a ni.