No.7460/2020-2021

Mizoram Legislative Assembly hnuaia Business Advisory Committee chu an Chairman Pu Lalrinliana Sailo, Speaker hovin vawiin chawhma dar 11:00 khan an thukhawm a, Mizoram Larsap-in Seventh Session & Budget Session of the Eight Legislative Assembly February ni 23, 2021 chawhma dar 10:30 atanga thukhawm tura a koh chungchang an rel a ni.

Business Advisory Committee chuan Seventh Session & Budget Session of the Eight Legislative Assembly chu February ni 23, 2021 atanga March ni 17, 2021 (ni 23 chhung) inkara neih turin ruahmanna siam phawt a ni a, hemi hun chhunga Assembly thutkhawm (sitting) neih zat tur chu ni 15 a ni. Session ni hmasa ber February ni 23, 2021 ah Mizoram Larsap-in Assembly session-ah thu a sawi ang a, March ni 1, 2021 ah Finance Minister-in Mizoram budget 2021-2022 a pharh ang. Assembly session neih dan tur leh hemi chhunga hman tur Standard Operating Procedure (SOP) te hi Session ni hmasa berah House pawmpui turin Assembly Speaker-in a chhawp chhuak ang.

Business Advisory Committee member-te chu :

Chairman : Pu Lalrinliana Sailo, Speaker

Members :

1) Er. Lalrinawma, Deputy Speaker

2) Pu TJ Lalnuntluanga, Minister of State

3) Pu Nihar Kanti Chakma, MLA

4) Pu Vanlalhlana, MLA

5) Pu L.Thangmawia, MLA