No.3291/2021-2022

Aizawl the 6th, December' 2021: India khua leh tui zavvng zawngten India Ram Danpui (Constitution) hnuaiah dikna leh chanvo kan nei vek a. Heng dikna leh chanvo (Rights) te hi Sorkar leh a kut leh ke hrang hrang hmangin humhalhsak kan ni. Heng zinga pawimawh ber pakhat chu Universal Adult Franchise (India khua leh tui dik tak, kum tling tawhte tana inthlanna a vote an thlak theihna) chanvo hi a ni. Hemi humhalh tur leh chanvo neituten an chanvo an chan ngei theih hi State Election Commission, Mizoram duh dan leh tum ber a ni.

Chumi bawhzuina atan chuan Aizawl District Municipal Election Officer (Deputy Commissioner ni bawk) chuan Local Council huam chhunga Universal Adult Franchise chanvo nei zawng zawngte tan (vohbikte leh pianphunga harsatna nei zawng zawngte pawh huamin) inthlan December 16, 2021 khian a buatsaih dawn a. Hemi area chhunga khawsa India khua leh tui, Tribal, kum 18 tling tawh zawng zawngte Local Council Electoral Roll-a inziak lut turin a hriattir tawh a. Local Council Electoral Roll-a inziak lut tawh i nih chuan India ram danpui hnuaia i dikna leh chanvo i chan ngei theihna turin December 16, 2021 -ah Electoral Roll a i inziahluhna hmunah i VOTE hlu tak thlak ngei tura ngen i ni.

LLO tin ten Polling Officials (Returning Officers, Presiding Officers leh Polling Officers) te a tul ang apianga lo puibawm tura ngen an ni.

Vote thlak chungchangah PwD voter ten harsatna an tawh thin sutkian a nih theih nan Polling Station-ah hengte hi chhawpchhuah tum a ni bawk e.
1) Ramps (Kailawn).
2) Wheelchair.
3) Local Level Duty.