No.3292/2021-2022

Aizawl, the 6th December 2021: Sainik Wefare & Resettlement, Government of Mizoram hotute chuan vawiin khan Governor Hari Babu Kambhampati chu an kawm a. An hruaitupa ber a nihna angin tanpuina an dil a. He mi denchhen hian sipai bang leh hmeithai mi harsa te hamthatna tura hma min lak pui turin point hrang hrang sawi pui nghal a ni bawk a ni.

Sainik Wefare & Resettlement, Government of Mizoram chuan Armed Forces Flag Day 2021 pualin a hnuaia tarlan ang hian mipui hnena ngenna a tichhuak nghal bawk a ni.

Armed Forces Flag Day hi ram pum ah kum tin December ni 7 ah kum 1949 atang khan hman tan a ni a. He mi ni hian indona-a nun chan ta nupui fanau te, hliam tuar a remtuileilo a awm te leh ex-servicemen leh hmeithai harsa zualte tanpui nan, mi tlawmngaite leh mi inphal te hnen atangin tanpuina khawn thin a ni. Tum dang ah chuan mipui nawlpui leh mi tlawmngai thei te hnen a tangin tanpuina hi khawn thin a ni a. Amaherawhchu hripui leng avang hian mipui nawlpui hnen atanga khawn a rem hrih lo a, chuvang chuan sorkar office hrang hrang ah Car Flag, Sticker leh Lapel Badge min chan sak tura thawn a ni a.

Kan governor hi Rajya Sainik Board a kan hotu ber Chairman a nihna ang in kum tin khawn thin a ni a, amaherawh chu tun kum bik ah ni 7 December 2021 hi ama lamah remchan lohna a awm avangin, vawiin ni December ni 6 hian ama remchanna ang in Flag Day Fund donation hi kan khawn ta a ni.