Ruahman lawk angina LADC hnuaia 10-Lawngtlai Bazar leh 24 – Tuithumhnar MADC Constituency leh MADC hnuaia 11-Tuipang MDC Constituency a By-Election chu ni 4 June, 2014 khan tluang tak leh fel fai taka neih a ni a, heng constituency  pathuma chawh rual a vote tla zat (Vote Turn-out) chu 80.24 % a ni a. Vote tlak thatna ber Polling State chu 24/8 Kakichhuah Polling Station a ni a, he khuaa vote nei mi 153 ten vote an thlak vek a ni. Constituency pum huapa vote thlak thatna ber chu 11-Tuipang-II niin vote 1126 ah vote 934 a tla a, 82.95 % laiin vote an thlak a ni.

Vote tlate hi June 6, 2014 khan Saiha leh Lawngtlai-ah zing dar 10:00 atangin chhiar a ni a, 11-Tuipang-II a vote tla hi minute 30 chhunga chhiar zawh vek niin result pawh puan nghal a ni a. 10-Lawngtlai Bazar leh 24-Tuithumhnar hi darkar 2 chhunga chhiar zawh a ni thung. Vote chhiar chhung hian engmah harsatna lian tham awm lovin tluang taka kalpui a ni. Inthlan result chu hetiang hi a ni. 

By-Election a inhnehna sang ber chu 24-Tuithumhnar Constituency-ah a ni a, Pu Malsawmdawngliana, INC Candidate chuan vote 1051 hmuin a khingpui Pu H. Sangkunga, MNF chuan vote 736 a hmu a, an inhnehna chu vote 315 a ni a. He By-Election a inhnehna hniam ber chu 10-Lawngtlai Bazar Constituency-ah a ni a, Pu Lalropuia Chinzah, MNF Candidate chuan vote 515 hmuin a khingpui Pu C. Sangchhunga, INC candidate chuan vote 495 a hmu a, an inthlauhna chu vote 20 chauh a ni. Percentage-wise a candidate zinga vote hmu sang ber chu 11-Tuipang-II a INC candidate Pu K. Siakhai INC candidate a ni a, vote tla zat 934-ah vote 556 a hmu a, a vote hmuh percentage chu 59.53 % a tling a ni. Vote tla zawng zawng 3878 a Political Party-te vote hmuh dan (Votes shared chu hetiang hi a ni :

State Election Commission chuan Autonomous District Council member atana thlan thar mi pathumte hi a lawmpuiin duhsakna a hlan a. chutih rual chuan inthlanna felfai leh muanawm kan neih theih nana mawhphurtu, theihtawp chhuaha hma latu zawng zawng, a bikin Sawrkar thuneitute, State Level leh District Level-a thuneitute, Political Party-te Candidate te, Media leh NGO te chungah Commission chuan lawmthu a sawi takmeuh a ni.