Vawiin chawhma dar 11:30 khan DC’s Conference Hall-ah Saiha District Bawrhsap Pu Alok Swarup, IAS, District Level Meeting on Green Mizoram Chairman ni bawk kaihhruaina hnuaiah District Level Meeting on Green Mizoram Day member ten naktip June ni 11 a Saiha District chhunga Green Mizoram Day hman dan tur relin an thukhawm.

Meeting chuan thing tiak hi kan phun tam ang hu in enkawl zuina lamah kan chak tawk thin loh avangin, thi ral mai mai a tam thin a. Chuvangin kimin Green Mizoram Day-ah chuan Department tin ten an enkawl puitlin theih ngei tura an zuam zat phun se, mahse department tin ten a tlem ber ah thing tiak hi panga (5) tal phun se tiin a rel.

Thing tiak te hi MADC Forest Department in a ngaihtuah ang a, an office kawtah naktip June ni 11 hian a lak theih ang. Green Mizoram Day pual hian MADC Forest Hall-ah programme tawi hman a ni ang. He programme ah hian kumin Fire Prevention Week-a ramngaw humhalh tha khua pathum thlanchhuah te hnenah lawmman hlanna hun hman nghal a ni ang.