No.7832/2020-2021

Dated Serchhip, the 18th March, 2021: Vawiin hian 26 Serchhip ST A/C Bye Election lo awm tur atana mawhphurhna pawimawh chelhtu Nodal Officers te chu District Election Officer leh bawrhsap ni bawk Pu Kumar Abhishek, IAS, hovin DC Meeting Hall ah an thukhawm a, inthlan inbuatsaihna kalpui tawh chin leh hmabak hrang hrang te an rel.

Kumar Abhishek chuan, inthlanna fel fai tak a awm theih nana mawhphurhna pawimawh ber ber chelhtu Nodal Officers ten mahni hna theuh hriatchian a pawimawh tih sawiin taima taka inbuatsaih turin a chah a ni.

He hunah hian Nodal Officers tinten tun thlenga an mawhphurhna kawnga hman an lak tawh chinte an sawifiaha, chumi rual chuan an inbuatsaihna peng hrang hrang Model Code of Conduct kalpui dan te, Expenditure Monitoring chungchang te, Observer dawnsawn dan tur te, Helpline & Redressal chungchang te, Communication Plan leh Manpower Management te, Strong Room leh EVM Management te, Law & Order leh Security Matters te, Media Plan te leh thil dang pawimawh hrang hrang te sawi sawi ho zui a ni. Hma chhawp an neih hrang hrangte pawh sawi ho a ni bawk a, hmachhawp awm te hi bawhzui theih apiang bawhzui nghal zel turin ruahmanna an siam bawk.

Bye Election lo awm turah hian Pu Kumar Abhishek, IAS, DEO & DC chu Returning Officer niin Pu Amol Srivastava, IAS, Thenzawl SDO chu Asst. Returning Officer a ni a. Pu Malsawmtluanga, MCS, PD, DRDA, Pu Lalmuansanga Ralte, MCS, Addl. DC, Pu Vanlalhmachhuana, EO, Pi C. Laltleipuii, MCS, SDO, Sadaar, Pu PC Laltanpuia, MPS, Addl. SP, Pu K. Saitluanga, MIS, DIPRO, Pu H. Lalhruaitluanga, MCS, BDO, E. Lungdar, Pi R. Lalmuankimi, Supdt. DC Office, Dr. Manesia Khaimeichho, MCS, SDC, Pi F. Lalnisai, MCS, SDC leh Pu Asheesh Kumar, DIO te chu Nodal Officers atana ruat niin heng officers te hian mawhphurhna hrang hrang an nei theuh a ni.

Vawiinah meeting ah hian Nodal Officers atana ruatte an tel kim a ni.