No.7831/2020-2021

Aizawl, 18th March, 2021: Joint Electric Regulatory Commission(JERC) for Manipur and Mizoram atana State Advisory Committee for Mizoram chu Chairman Er. Lalchharliana Pachuau hovin vawiin khan Aijal Club ah an thu khawm a. Nikum February ni 27 a SAC meeting thurel bawhzui a nih dan te thlir hovin hmalakna tur pawimawh te an rel a ni.

Vawiina SAC meeting chuan electric bo thlau zawng chhuak tura din, Vigilance Committee chu chak zawka kalpui ni se, an ti a. Power pawh ruk leh bo thlau zawn chhuah na tura hmalakna tur te, power semdarhna distribution transformera meter vuah chungchang te, Meter endik chungchang te sawiho a ni a. Kumin 2021-22 a electric hman man rate pawh sawiho niin Committee chuan hun harsa tak kara awm mek mipui te tana rit lo thei ang bera rate kalpui ni se, an ti a. Covid 19 vanga central sawrkarin electric hman man a tih tlawmna chu SAC hnenah hriattir turin Power&Electricity Department chu tih a ni.

JERC ruahmanna angin naktuk, March ni 19 chawhma dar 11 atangin Aijal Club ah electric eng chhit man chungchanga harsatna neite tan Public Hearing on Petition of Power & Electricity Department neih a ni dawn a ni.

Attachment

  • Loading attachment...