Vawiin khan Power & Electricity Minister Pu R.Lalzirliana chuan BZa Inter Veng/Khua Football Tournament Finale kharna hun Rajiv Gandhi Stadium, Mualpui-ah a hmang.

BZa Inter Veng/Khua Football Tournament hi 25th November khan tan a ni a, Final ah hian College Veng Veteran leh Chanmari Veng Veteran an in tum a, Team 22 telin, Goal 73 a lut a, mi 13 in tournament chhung hian Yellow Card an hmu a, Red Card hmu an awm lo a ni.Players te hi Kum 40-60 inkar an ni a, Local Council leh Village Council Member mi 13 team 3 ah an tel a.

MLA pahnih Pu H.Lalzirliana leh Pu Lalrindika Ralte pawh Khatla Veteran Team leh Zarkawt Veteran Team ah an tel ve ve a ni. Khawpui chhung inkhel entu ngah ber College Veng hnenah Rs 10000 hlan a ni a, khawpui pawn inkhel entu ngah berah Saitual khua hnenah Rs 5000 hlan a ni bawk a ni.

He tournament a tel upa ber chu Pu Zodinsanga, Zarkawt Veteran Team leh Pu J.Rochama, Saron Veteran Team te an ni a, Kum 1963 a piang ve ve an ni a, team players zingah Kohhran Upa 23 leh Branch YMA hruaitu 28 an tel bawk a ni.