I & PR Minister Pu Lalruatkima chuan Sorkar laipui in Citizenship Amendment Bill (CAB) a tihhlawhtlin tak avanga Hmarchhak state leh hmundang hrang hranga duhlohna lantira mipui pungkhawm avanga buaina chhuakzuiin Mizo zirlaite leh khualzin eng emawzat a tih tangkhan mek awmte chu chhawmdawl hna sorkain a thawh thu a sawi a. Mizoram House hrang hrangah leh hmun him ah te dahin, an ei leh in turte a tul anga ngaihtuah sakin, YMA, Mizo Welfare etc. te nen theihtawp an chhuah mek thu a sawi. He tih lai hian khualzin tangkhang te hi a theihna chinah chuan State Transport Bus hmanga khawihmun atang pawha thiarchhuak turin sorkar a inpeih reng a ni a ti.

Hetih lai hian he lungawilohna avanga buaina leh harsatna chhuak hian ziaawm lam a pan hret hret niin Sorkar chuan a hria a. Mizoram Sorkar aiawhtu Mizoram House hrang hrang - Kolkata, Guwahati, Shillong leh Silchar a Joint/Deputy Resident Commissioner te kaltlangin boruak a thlithlai reng thu Minister Pu Lalruatkima chuan a sawi.