Vawiina Chief Minister Pu Lal Thanhawla hova Council of Minister thukhawm chuan tunhnaia nasa taka ruahsur in chhiatna Mizoram hmun hrang hranga a thlen chu pawi an tiin chhiat tawkte a tuarpui takzet a. District tina Deputy Commissioner-te chu anmahni bial theuh a chhiatna thlengte uluk taka chhinchhiah a, finfiahna Video record nen kimchang taka Disaster Management & Rehabilitation Department a thehlut turin a ti. Cabinet Meeting chuan DC te leh DM&R Department chu a theih ang anga tanpuina pawh pe nghal tur leh mipuite harsatna lo sut kian pui tura relin an hriattir nghal a ni.

Vawiin Cabinet Meeting hi Chief Secretary Conference Hall-ah neih a ni a. Kar hmasa (4.6.2018) Cabinet Meeting-a sawrkar department hrang hrang rawtna pawimawh an ngaihtuah zawh hman loh 19 bakah additional agenda engemawzah a ruahmanna leh thutlukna siam turin an thukhawm a ni.