Vawiin khan Chief Minister’s Office Cabinet Room-ah Chief Minister Pu Lal Thanhawla kaihhruaina hnuaiah Council of Minister ten meeting an nei a, sawiho tur agenda 17 chhawpchhuah a ni.

Cabinet meeting-in agenda chhawpchhuah an pawm te chu The Mizoram Minor Minerals Concession Rules, 2000 a Second schedule hnuaia Rates of Royalty siam thatna neih tawhah tihdikna siam rawtna , Fourth Supplementary Memorandum on Public Sector Enterprise Restructuring te, High School Headmasters & Middle School Headmasters te tana 3 (three) tier Grade Pay siam te, The Mizoram Entry Tax Rules, 2015 te, The Mizoram Prevention and Control of Infectious and Contagious Diseases in Animals (check post and Quarantine Camp Manners of Inspection etc) Rules, 2015 te, Environment & Forests department hnuaia Assistant Auditor post 1 (pakhat) Grade Pay Rs.4400/- atanga Rs.4600/- a hlankai chungchang te, Mizoram Police Service (Dpartmental Examination) Regulations, 2015 te, Review of decision of Council of Ministers (item no.4) of 24.6.2014 regarding creation and filling up of 99 (ninety nine) additional categories of posts for DIETs for 8 DIET under school education department towards implementation of New Guidelines 2012 for restructuring and re-organisation of the centrally sponsored schemes on Teachers Education te, Judge chawl tawhte tana Secretarial Assistance and Domestic Help Rules, 2014 siam that chungchangte, Mizoram Sorkar hnuaia Standing Counsel leh Public Prosecutor rawih chungchang te, Tuirial Airfield huam chhung zawnga ram NCC tana sorkar department hnena pek te leh The Mizoram (Land Acquisition, Rehabilitation and Resettlement) Bill, 2015 te an ni a, hei hi ordinance tichhuah nghal nise tiin meeting chuan a rel bawk a ni.

Heng bakah hian Cabinet Meeting chuan Mizoram Finance Commission Report hmasa ber chu tha a tih thu tarlan a ni a, hei bakah 14th Fianance Commissionin Centrally Sponsored Schemes kalpui dan tur chhawpchhuah pawh a hriatpui thu tarlan a ni bawk a ni.