Vawiin chawhma dar 11:00 khan Serchhipa Chawmdawlna hmun hrang hrang 6 te tan Serchhip District Bawrhsap Dr. Lalrozama, IAS chuan Krismas Thilpek a hlan.
Krismas thilpek te hi Chief Minister Pu Lal Thanhawla'n Discretionary Grant 2015-2016 Rs. 12,000/- (sing khat sang hnih) a hlan leh Serchhip DC Office- thilpek Rs. 6,000/- (sang ruk) te a ni.
Serchhip District Bawrhsap chuan heng chhawmdawlna in hrang hrang- Zoar Rescue Centre, Serchhip Dinthar Veng, JN Hospital Serchhip, Orphanage Home, Serchhip Hmar Veng, Old Age Home, New Serchhip Venglai, Shalom Special School, New Serchhip Venglai, Hmangaihna In (Adult Rehabilitation), Chhiahtlang te hnenah hian CM Discretionary Grant 2015-2016 atangin Rs. 2500/- bakah Serchhip DC Office Krismas Thilpek atangin Rs. 1000, avaiin Rs. 3500 theuh a hlan a.
Serchhip Bawrhsap Dr. Lalrozama hi Pu Lalringdika, MPS, Superintendent of Police Serchhip, YMA Sub-Hqrs, Serchhip hruaitute, Serchhip Town Joint VC hruaitute bakah thuthar thehdarhtu ten an tawiawm a, Serchhip Bawrhsap chuan Krismas thilpek a hlan zawng zawngte hnenah hlim tak Krismas leh Kumthar hmang turin duhsakna a hlan ani.
