Vawiin khan Chief Minister Pu Lal Thanhawla kaihhruaina hnuaiah Chief Secretary’s Conference Room, New Secretariat Complex, Khatla ah Council of Ministers ten meeting an nei.

Cabinet Meeting-ah hian thurel tur agenda 9 chhawpchhuah a ni a. Chung zingah chuan Report of the Pay Committee - 2011 chu tlem siam that ngai lai siam tha in pawm a ni a, 1st June 2012 atanga hman tan tura tih a ni. Assistant Director, Aviation Wing, GAD post chu Deputy Controller-cum-Under Secretary post ah hlankai rem tih a ni bawk a. Heng bakah hian Proposal for amendment of provisions of Section 21 under the Mizoram Value Added Tax Act, 2005 leh Proposal for amendment of the Mizoram Local Funds (Accounts & Audit ) Act, 2006 te pawm a ni bawk.

Cabinet Meeting chuan agenda chhawpchhuah zinga la ngaihtuah that atana an dah zingah Draft Rules for Secretarial Assistance and Domestic Help to the Retired Judges of the Gauhati High Court, 2012 te, Draft Mizoram Animal Husbandry & Veterinary Service te a tel a. Hengte bakah hian Establishment of Indian Institute of Information Technology (IIIT) in Mizoram chu senso tur a san lutuk (kum khatah cheng vaibelchhe 9 aia tlemlo deposit ngai tur) avangin hnawl a ni bawk.