3659/2024-2025

Dated Aizawl, the 23rd December 2024: Tahrik ni 20 December, 2024 a Council of Ministers Meeting, Chief Minister Pu Lalduhoma kaihhruaia Cabinet Room a neih chu zan thlenga meeting neih a nih vang leh a tuk Inrinniah Chief Minister hi Agartala, Tripura a 72nd NEC plenary-a a kal bawk si avangin Government Press Release approval kan la hman lo va. Vawiinah Press Release kan siam thei ta chauh a ni. Mipuite hriatthiamna kan ngen e.

Thurel tlangpui chu hetiang hi a ni.

1. Proposal for Adoption of (The Water Prevention and Control of Pollution) Amendment Act, 2024' by Government of Mizoram - Approved. 

2. Draft One-time 'Mizoram Special Voluntary Retirement Scheme, 2024' - Approved. 

Department tin te chu Service Review Committee din vek tura tih mek an ni a. Hnathawk zui tlak lo te, hamthatna tha tawk tak nena an retire-na tur scheme a ni.

3. Dissolution of High Powered Committee, Lunglei.

Decision: LMC a awm hma kha chuan High Power Committee hi thil tula ngaih a ni a. LMC a lo awm takah chuan 'thuang hniha awm zel hi a tha em?' tih zirchianna neih zel ni se, tih a ni.

4. Proposal for allotment of land at Rahsi Veng, Lunglei for District Court in supercession of the decision of the Council of Ministers dated 22.11.2022.

Decision: Approved. 

Sawrkar hmasa Cabinet rorel thiatin Lunglei District Court tura pek tum chu pawm a ni.

5. A proposal for The Mizoram Youth Commission Bill, 2024.

Decision : Approved. 

Mizoram Youth Commission Bill hi kan la nei ngai lo va. Mizo thalaite Mizoram pawn leh India ram pawna hna thawk tura thawn chhuah a hmalak tak tak sawrkarin a tum avangin Bill hi pawm a ni.

6. Proposal for conversion of Zoram Medical College into a fully Government run Medical Institution.

Decision : Approved

ZMC ah hian thawktu chi hnih - sawrkar hnuaia thawk leh Society hnuaia thawk an awm a. Heng thawktu chi hnihte hi sawrkar hnuaia thawka dahluh vekna tur a ni.

7. Proposal for amendment of Rule 3(ii) of Mizoram School Education Department (Terms and condition of appointment of teaching & School Edn non-teaching staff of provincialized school) Rules, 2023

Decision:  School Provincialization Rules, 1994 chu nikum 2023 khan sawrkarin tidanglamin, school provincialised thara thawktute, a bik takin Headmaster turah 'as decided by government' tiin dah a ni a. Chu chu zirchian leh ni se tia rel a ni.

8. Proposal for addition of the new provision "Power to Relax" in the School Education conditions for provincialization of schools. 

Decision: Approved. 

Kum 2023 a school provicialization dan siama conditions thenkhat chu; khawpui lam school tana zawm harsa lo, thingtlang lam school tana zawm harsa tak si a awm thei nia hriat a nih avangin. He rules pawhfan theihna dan siam belhna a ni.

9. Proposal for framing of Mizoram Education (Lumpsum Grant-in-Aid for General Maintenance of Private School) Rules, 2024.

Decision: Approved. 

Hei hi Lump Sum Grant-in-Aid dawng thei tur mumal taka bithliahna leh School Management Committee siam thatna a ni.

10. Proposal for framing of Mizoram Education (Provisional Adhoc Grants-in-Aid for General Maintenance of Private School) Rules, 2024.

Decision: Approved. 

Kum 20 chhung zet Grant-In-Aid rules lo hman tawh a ni a. Provisional Adhoc School te tana grant-in-aid pek ve theihna dan erawh a awm lo thung. He proposal hian private Elementary School, private High School leh Higher Secondary School te Provisional Adhoc status-a dah theihna siam thlengin a huam ang.

Cabinet Meeting-in a rel Education kaihhnawih dan te hi Assembly a pass a nih a, rules fel tak a awm hnuah chauh, dan hnuaia hamthatna dawng tur school te thlan an ni ang.

11. A proposal to recommend Central OBC status for Mizoram Gorkhas.

Decision: Mandal Commission chuan Gorkha te OBC status an nih ve theihna dan a duang a. Social, Education leh Economic hmanga teh tur an ni. 

Mizorama Gorkha te hi heng tehnate hmanga tehin midangte aia an hniam bikna a awm lo va, Mandal Commission tehna atang chuan OBC status pek theih an ni lo.

Chuti chung chuan Mizoram sawrkar chuan Gorkha te hi Central sawrkar reservation hnuaia OBC pek chu a duhsak a. Chu chu lo nei ta se, Mizoram sawrkar hnuaia reservation neih phah nan an hman dawn leh dawn loh zirchian phawt ni se, tih a ni.

12. 2 (a). Information & Public Relations Department leh Printing & Stationery hi chhunfin ni se, a hming atan Information, Public Relations, Printing & Stationery (IPR&PS) tih a ni ang.

2(b). Local Administration Department (LAD) hi Rural Development (RD) nen kaihkawp a ni ang a. A hmingah Rural Development & Administration Department tih a ni ang.

2(c). Tribal Affairs hi a lo len tak em avangin Art & Culture Department nen department pakhata chhunfin a ni ang. A hmingah Tribal Affairs  & Culture Department tih a ni ang.

2(d). Mau (Bamboo) hi forest area pawna mi chu Horticulture in a chang tawh ang a. Processing a intan atangin Commerce & Industries in a chang ang.

Thingpui (Tea) hi Horticulture atangin Commerce & Industries ah pek a ni.

13. Draft Proposal for the repeal of the Mizoram Private Placement Agencies (Regulation) Act, 2015 and Introduction of the Mizoram Private Placement Agencies (Regulation) Bill, 2024

Decision: Approved.

Mizoram pawna hnathawk tur thawn chhuah theihna dan that tawk loh avangin mi tam takin harsatna an tawk a. Chief Minister Office-ah Diaspora Cell hial din a ni.

Tha tak leh tluang taka India ram chhung leh ram pawna hnathawktu kan inthawn chhuah theih nan dan thar duan (introduced) tur a ni.

1. Additional Agenda:

Proposal for establishment of Mizoram State University and the

Mizoram State University Bill, 2024

Decision: Approved.

Mizoram State University din a nih theih nan a bill pawm a ni.