3658/2024-2025
Dated Serchhip, the 23rd December, 2024: Vawiin khan Nasha Mukt Bharat Abhiyaan Serchhip District hmalakna in Family of Christ Home, New Serchhip ah hun hman a ni a, Dr Marilyn Lalruatkimi SDC chuan tanpuina cheng sing khat a hlan a ni.
Family of Christ Home neitu Pu Joseph Lalmuanawma chuan thusawiin an home chu February 2024 atanga kalpui tan a nih thu te, home-a lut tawh zawng zawng hi mi 130 chuang ni tawhin; thla 3 chhung tal awm thin tura an beisei laiin awm tluan thei erawh mi 12 chauh an la neih thu a sawi a.
He hunah hian Serchhip District-a OST Centre enkawltu Dr. Lalrinmawia Sailo, MO chuan ngawlveite enkawl dan chungchang a zirtir bawk.
Serchhip Sub headquarter YMA aiawha tel President Pu R. Kawlthuama chuan home a awm mekte chu tha taka awm tura chahin an rawn haw hunah pawh YMA leh khawtlang tana mi tangkai ni ngei thei turin duhsakna a hlan a, ruihhlo dona pual atan thilpek an hlan a bawk a ni.
