Chief Minister Pu Lal Thanhawla hovin vawiin khan Council of Ministers Meeting pawimawh tak Chief Secretary’s Conference Room, New Secretariat Complex, Khatla ah neih a ni.

He Cabinet Meeting ah hian thurel tur 4 (pali) chhawpchhuah a ni a. Chung zinga thu ngaihtuah hmasak ber, Re-submission of Mizoram District Court Service Rules, 2011 chu thu delkilh siama pawm a ni a. ‘Assistant leh a tlukpui (Grade Pay Rs.4,400/-) te recruitment leh promotion MPSC kuta dah let leh chungchang’ chu tuna kalpui dan anga la kalpui zel nise tia remtih a ni bawk a. Hemi bakah ‘Aikal lak chungchang’ ah, ni 1 leh ni 2 December 2009 a Council of Ministers Meeting thurel kal chhohpui dan thlirletna neiin, chu thutlukna chu khauh taka kal chhohpuiin, aikal lak tir officer chungah disciplinary proceedings kenkawh a ni ang tiin pawm a ni bawk a. Thurel tur chhawpchhuah dang, Officer pension tawh Commission hrang hranga Chairman-a rawih te lawmman chungchang, ‘The Fixation of honorarium of Retired Officers engaged as Chairman for various Commissions’ tih chu tuna la kalpui dan anga la kal chhohpui nise tiin Meeting chuan a pawm bawk a ni.

Attachment

  • Loading attachment...