Vawiin chawhnu khan Parlianmentary Secretary Pu S.Laldingliana chuan kum 39 chhunga Lunglawn khaw awptu lal pathumte (3) te hriatrengna lungphun a hawng.

Vawiin a Lunglawn Branch YMA te buatsaih Lunglawn Lal pathum Lalchhunga Zadeng, Manchiauva zadeng leh Tawnluia Zadeng te hriatrengna lungphun hawnna ah hian lungphun hawngtu Pu S.Laldingliana chuan thu sawiin Lunglawn khaw mipuiten an khawtlang lo kaihruaitute hriatrengna lungphun nachang an hria chu fakawm a tih thu sawiin, Lunglei Thuamluaia muala artificial turf phah a nih dawn avanga Lunglawn field chu Lunglei khaw mipuite tana hman rim ber tur thu sawiin thawm that hna pawh thawh thuai anih dawn thu leh Lunglawn mipuiten lo hre thiam hram tura ngenin Lunglawn in Health Sub Centre hmun tur an neih remchan veleh sum awmsa hmanga sak mai theih a nih tur thu a sawi.

Lunglawn Lalte Lungphun hawnna Inkhawm hi Lunglawn Branch YMA President Pu Rosiamliana’n kaihruaiin Lunglawn Lal chhungte atangin thusawi ngaihthlak a ni bawk a ni.