Cable TV thuchhuah chungchangah Mizoram Sawrkar General Administration Department (GAD) chuan hetiang hian thuchhuah asiam:-

Cable Television Networks (Regulation) Act, 1995 (Amendment Act, 2011) chuan India rama Analog Cable TV te chu Digital Addressable System (DAS)-ah let vek turin a ti a. Sawrkar Laipui Ministry of Information & Broadcasting chuan Digitization thawh lina kalpui turin ruahmanna a siam a. 11.09.2011 ah hetiang hian hriattirna a tichhuak:

1)      Phase-I Area (Greater Mumbai, NCT ofDelhi, Kolkata, Chennai) – 30.06.2012

2)      Phase-II Area (Million plus cities) – 31.03.2013

3)      Phase-III Area (All urban areas other than phase-I & II) – 30.09.2014

4)      Phase-IV Area (RuralIndia/ rest ofIndia) – 31.12.2014

Digitization hi chak taka kalpui tura tih tur tul a la tam avangin hun tiam ang takin tih zawh fel a harsa a. Chuvangin Ministry chuan Phase-III leh Phase-IV atan hun tiam pawtseiin Notification dt. 11.09.2014 ah hetiang hian a tichhuak leh a ni:

Phase-III – 31.12.2015

Phase-IV – 31.12.2016

Multi-System Operators (MSOs) te an la inpeih loh avang leh High Court hrang hrangah thubuai thehluh a nih avangin Ministry chuan hetiang hian Digitization atan hun chu Notification dt.23.12.2016 hmangin a pawt sei leh a. Mahse hemi bak chu hun pawh sei theih a ni tawh lovang tih chiang takin a tarlang a ni.

Phase-III – 31.01.2017

Phase-IV – 31.03.2017

Mizoramah hian Digitization hi Phase-III leh Phase-IV te kalpui a ni a. State chhunga MSO ten Digitization atana tih tur tul hrang hrangte an la peih theih loh avang leh ngaihhnathiamna hun an dil angin DAS chauh kalpui tur tih chu vawiin thlengin kalpui a la ni lova. District Nodal Officer hrang hrangten MSOte harsatna hrethiamin Switch Off tir hrih lovin an la awm a. Phase-III atana hun tiam 31.01.2017 a lo pelh tak avang leh Phase-IV atan a hun tiam 31.03.2017 pawh chu a lo zawh leh tak avangin DAS kalpui a, encrypted channel chauh pe chhuak tura danin a phut hi a taka kalpui hun a awm lo thei lova. Chuvangin MSO thenkhat DAS kalpui tura tifel theilote chu Authorized Officers-District Magistrates/Sub-Divisional Magistrates ten he Act sawi ang leh Ministry Advisory dt.02.02.2017 angin TV Signal pe chhuak tawh turin thupek an chhuah a, action lak a lo tul ta a ni.

Mipuiten TV signal hmuh kawngah harsatna an tawh theih avangin sawrkar chuan pawi a tih hle rualin mipui hriatthiamna a ngen a ni.