Mizoram sorkara Industries Department thahnem ngaihna leh hmalakna in "Computer Aided Design leh Capacity Building Project Centre" hi Mizoram ah ni 26.8.2011 khan Industries Minister Pu S. Hiato chuan Directorate of Industries ah a hawng tawh a. He Centre-ah hian a hawn ni atang khan Training hi tan nghal a ni a, training course rei zawng hi thla 6 zel a ni. Vawiin khan he Centre atanga IT-based Capacity Building Course zo mi 26 leh Computer Aided Design Course zir zo mi 23 hnenah Industries Commissioner Pu R.Lalrinawma chuan I&PR Auditorium-ah Certificate a hlan a ni. He hun hi Pu Debabrata Bhaduri, Chief Outreach Coordiantor, Centre for Development of Advanced Computing (CDAC) , Kolkata pawhin a hmanpui.
Industries Commissioner Pu R.Lalrinawma chuan Training Centre hlawhtling tak leh zirlaiten tihtakzetna rilru nen training an luhchilh chu a lawmawm hle a ni a ti a. Sorkar pawhin a tuipui hle a, hmalakna tur kawng an kawhhmuh piah lamah rawtna a awm phawt chuan an hun leh tha sengin bawhzui i inpeih reng a ni, a ti.
Heng Training programme te hi Computer hmanga Puan Design leh Computer thiamna thang chho zela a aia thuk zawk leh hmasawnna dang inzirtirna (Capacity Building) atana Department of IT, Government of India in CDAC Kolkata te kaltlanga hmarchhak state te tana a bik taka duan a ni a. A zima hmanrua Computer leh a kaihhnawih chi hrang hrang an rawn bun nghal a, Industries Department hian a Training Centre leh mamawh dang phuhruk in, hetiang Course hnih hi a rualin zir theih ta a ni.
Puantah lama eizawng leh Designing lama lo zir sil tawh te, experience la nei miahlo te chu heng Course zir tura thlanchhuah te an ni a, zirtirna changtlung leh tha tak tak te puihnain hma an sawn chak hle a ni. A bik takin Puan Design ah hian Mizo zirlai te hian an ngaihtuahna an hmang thiam hle a, heng an design sample te pawh hi Central lam hotute hnenah thawn zel a ni a, an hmalam hun pawh a eng hle a hriat a ni.
CDAC, Kolkata te hian a hmunah an rawn vil reng a, Kan Mizo thalai te leh Puantah lama eizawng te tih tak na an hmuh atang phei chuan tan an la leh zual a, CAD Centre phei chu zau zawk a Mizoram mipuite tan a nih beisei in District dang 8 ah hawn belh theih turin ruahmanna an siam a, tuna tang a reilote ah Extension Centre thar te hi hmuhtheih beisei a ni. CAD zirlai te leh a enkawltu Official te tan hian Ministry of IT chuan Exposure Tour/ Talent Exchange Programme tun thla tawp lam hian a buatsaih dawn a, a thlawn vekin heng zirlai te leh Official te hi an zinna tur programme CDAC lam hian an rawn duang fel tawh nghe nghe a ni.
Heng Training programme te hi Computer hmanga Puan Design leh Computer thiamna thang chho zela a aia thuk zawk leh hmasawnna dang inzirtirna (Capacity Building) atana Department of IT, Government of India in CDAC Kolkata te kaltlanga hmarchhak state te tana a bik taka duan a ni a. A zima hmanrua Computer leh a kaihhnawih chi hrang hrang an rawn bun nghal a, Industries Department hian a Training Centre leh mamawh dang phuhruk in, hetiang Course hnih hi a rualin zir theih ta a ni.
Puantah lama eizawng leh Designing lama lo zir sil tawh te, experience la nei miahlo te chu heng Course zir tura thlanchhuah te an ni a, zirtirna changtlung leh tha tak tak te puihnain hma an sawn chak hle a ni. A bik takin Puan Design ah hian Mizo zirlai te hian an ngaihtuahna an hmang thiam hle a, heng an design sample te pawh hi Central lam hotute hnenah thawn zel a ni a, an hmalam hun pawh a eng hle a hriat a ni.
CDAC, Kolkata te hian a hmunah an rawn vil reng a, Kan Mizo thalai te leh Puantah lama eizawng te tih tak na an hmuh atang phei chuan tan an la leh zual a, CAD Centre phei chu zau zawk a Mizoram mipuite tan a nih beisei in District dang 8 ah hawn belh theih turin ruahmanna an siam a, tuna tang a reilote ah Extension Centre thar te hi hmuhtheih beisei a ni. CAD zirlai te leh a enkawltu Official te tan hian Ministry of IT chuan Exposure Tour/ Talent Exchange Programme tun thla tawp lam hian a buatsaih dawn a, a thlawn vekin heng zirlai te leh Official te hi an zinna tur programme CDAC lam hian an rawn duang fel tawh nghe nghe a ni.
