9th Chakma Autonomous District Council (CADC) term chu 23.4.2018-a a tawp tak avanga CADC thar din turin State Election Commission chuan 20.4.2018 khan inthlan a buatsaih a. Constituency 20 awm atangin Constituency 19 inthlang theiin, he inthlanah hian Voter 29,439 awmin mi 27,038 (91.84%) in vote an thlak a. 3-Chhotapansury ah vote tla tam berin 1262/1308 (96.48%) a tla a. Vote tlak hniam berna chu 5-Kalamanagar 'N' niin, vote hi 2323/2824 (82.26%) a tla a ni.

Vote tla zat hi State Election Commission, Mizoram thupek angin Returning Officer, 1-20 Constituencies, Lawngtlai District kaihhruaina hnuaiah April ni 24, 2018 zing dar 8 atangin chhiar tan a ni a, tlai dar 2-ah tluang taka chhiar zawh a ni. Result kimchang chu heti ang hi a ni:

He inthlannaah hian harsatna a thleng lo a, Vote thlak chungchang bakah inbiak pawhna lamah te, dan leh thupek kenkawh kawngah te pawh District Election Officer/Returning Officer, SP leh District Police, Asst. Returning Officer te leh Lawngtlai District-a Department hrang hrang Officers leh Staff-te, Mizoram Police Radio Organization-te, CADC thuneitute, Polling Official-te, Political Party-te, MPF leh NGO dangte inpekna leh thahnemngaihna avangin a fel faiin a muanawm hie a ni. Tun turn inthlannaah hian vote a tla tha a, hei vang hian tluang taka inthlanna neih a nih theihna atana mawhphurtu leh tha thawhtu zawng zawngte chungah leh Democracy tihlawhtling tura vote thlaktu mipuite chungah State Election Commission chuan lawmthu a sawi a ni.