DIRECTORATE OF INFORMATION & PUBLIC RELATIONS, Government of Mizoram, India

DIRECTORATE OF INFORMATION & PUBLIC RELATIONS

Government of Mizoram

Page Links: https://dipr.mizoram.gov.in/post/cadc-inthlanpui-2023-a-hman-tur-evm-te-1st-randomisation-neih-a-nip

CADC Inthlanpui, 2023-a hman tur EVM-te 1st Randomisation neih a ni

229/2023-2024

Ṭau thla ni 26, 2023: 11th Chakma Autonomous District Council (CADC) General Election, 2023 neih tura inpuahchahna kal mekah vawiin khan Chawngte SDO (Civil) office-ah Returning Officer Pu David Lalthantluanga hovin 1st Randomisation of Electronic Voting Machine (EVM) neih a ni a. Constituency hrang hranga EVM hman turte thliar fel a ni.

He hunah hian election official-te bakah, political party hrang hrang ai awhte an tel a. First Level Checking (FLC) endikna aṭanga EVM hman theih tura dah hran sate chu a hmanna tur constituency tih fel a ni a. EVM hman tur hi polling station 70 atan 70 leh a ṭul thulha hman tur dah hran (reserve) atan 40, a zavaiin 110 chu thliar fel a ni a. A hmanna tur polling station thliar felna, 2nd & final randomisation chu May ni 2, 2023 (Thawhlehni) khian neih a ni ang.

1st randomisation tih zawh hian EVM-te hi political party ai awhte hriatpuinain strong room-a dah luh a, kalh hnan leh nghal a ni.

Attachment