229/2023-2024

Mamit 26th April, 2023 : Vawiin khan DC Office Chamber-ah Mamit District Disaster Management Authority chu an Chairman Pu V.L. Remliana, Deputy Commissioner kaihhruaina-in thutkhawm a ni.

Meeting hian kan hma lawka fur lo thleng turin, chhiatna hrang hrang a thlen palh thulha, Mamit District-in a hmachhawn dan tur te sawiho niin, Silpaulin engemawzat lei nise tih a ni a, fur laia harsatna langsar tak thin inkalpawhna kawnga harsatna a awm loh nan DDMA leh PWD Department-te thawkho zel tura hmalak nise tih a ni bawk.

Meeting hian Village Council tin-a Village Level Disaster Management Committee-te hnenah fimkhurna thuchhuah leh chhiatna a lo thlena a tul anga che chhuak nghal tur a hriattirna pek nise a tih bakah thil pawimawh dang te an rel bawk a ni.

He meeting-ah hian District Disaster Management Authority  Members-te an tel a ni.