390/2023-2024

2023 Tomir thla ni 10: Chakma Autonomous District Council (CADC) hnuaia Member of District Council (MDC) Inthlanpui, 2023 buatsaiha constituency 19-a vote tlate chhiar tura ruat, counting official-te chu vawiin khan Chawngte SDO (Civil) Office-ah briefing neihpui an ni.

He hunah hian Election Observer, Sports & Youth Services Department Director Pu Lalnunhlua leh Assistant District Election Officer & Additional Deputy Commissioner, Lawngtlai Pu Abraham Beirazi Khithie te'n telpuiin, counting official-te tana hriat tur pawimawh hrang hrang an sawi a. Zonal Magistrate & Master Trainer, Bungtlang 'S' BDO Pu Hmingmawizuala chuan EVM-a vote tlate chhiar dan tur hands-on training a pe a. Zawhna leh chhanna leh sawi hona hun hman a ni bawk.

CADC Inthlanpui vawi 11-naa vote tlate hi naktuk, May ni 11 zing dar 8:00 a?ang khian Chawngte SDO (Civil) Office Complex-a Counting Hall pahnihah chhiar a ni dawn a. Counting Hall No. 1 - Chawngte SDO (C) Conference Hall-ah vote chhiarna dawhkan (counting table) 5 hun niin, Counting Hall No. 2 - Chawngte SDO (C) Aadhaar Room-ah counting table 4 hun a ni dawn thung a. Dawhkan tinah hian counting supervisor leh counting assistant pakhat ve ve theuh an thu ang a, vote tlate hi thawh (round) 10-a chhiar zawh tura ruahman a ni.