349/2023-2024

2023 Ṭomir thla ni 7: Vawiin khan Deputy Inspector General of Police (DIG) Southern Range Pu H. Ramthlengliana chuan 11th Chakma Autonomous District Council (CADC) Inthlanpui lo awm tur chungchanga venhimna lam inbuatsaihna enpuiin Chawngte a tlawh.

DIG Southern Range hi CADC Inthlanpui, 2023-a Returning Officer, Lawngtlai Bawrhsap ni bawk Pu David Lalthantluanga nen inkawmin, CADC Inthlanpui 2023 atana venhimna lam thil pawimawh hrang hrang an sawi dun a ni.

DIG Southern Range hi Lawngtlai District Police hotute'n an ṭawiawm a. CADC Inthlanpui atana venhimna lam inbuatsaihna hrang hrang a hmuna a enpui bakah, Chawngte Police Station pawh a tlawh a. Tlai lamah Lunglei panin Chawngte hi a chhuahsan leh nghal a ni.