CADC & LADC hnuaia Village Councils 9(Pakua) By-Election atana inbuatsaihna chu tluang takin a kal chho zel a. Contesting Candidates pawn Returning Officer ten an tar chhuak tawh a. State Election Commission-in District Election Officer, Lawngtlai hnen atanga report a dawn danin Contesting Candidates awm dan chu a hnuaia mi ang hi a ni:-

1

By- Election neihna tur Village Council awm zat

9

2

Inthlan neihna tur khaw zat

9

3

Village Council 9-a seat awm zat

19

4

Candidate awm zawng zawng zat

40

5

General seat chuhtu Candidate zat

34

6

Reserved seat chuhtu Hmeichhe Candidate zat

6

Party-wise Candidate awm zat

 

Political Party

General

Reserved

Total

a)

INC

16

3

19

b)

MNF

11

2

13

c)

Independent

7

1

8

Total

34

6

40

Inthlanna hi August ni 22, 2017 zing dar 7:00 atanga tlai dar 5:00  thlenga neih tur a ni a, vote thlak zawh veleh hian vote chhiar zui nghal tur a ni.

Tun tum By-Election neih turah hian Village Council 9-a Village Council 3-te chu dissolved an nih avangin Village Council seat pumpuia By-Election hi neih tur a ni a. Heng Village Council 3-a seat 12-a seat 1 theuh chu hmeichhiate tan hauhsak a ni a, a bak Village Council 6-a seat 7 hi chu Village Council Member-te thihna leh bang an awm avanga By-Election hi neih tur a ni.

He inthlanna tana Model Code of Conduct kenkawh chungchangah vawiin thlengin Commission chuan complaint engmah a la dawng lova, dan leh thupek kenkawh kawngah pawh harsatna engmah report dawn a ni lo bawk.

He inthlanna atana campaign theih hun chhung chu ni 20.8.2017 tlai dar 5:00 khian a tawp dawn a. Hemi hnu hian Village Council pawn lam atanga campaigner te chuan an campaign-na hmun an chhuahsan vek a ngai ang a, vantlang inkhawm hmanga campaign te khap vek a ni tawh dawn a ni.

Inthlanna muanawm, felfai leh thianghlim neih a nih ngei theih nan State Election Commission-a Officer-te leh Staff-te bakah District Election Officer leh a hnuaia hnathawktute chuan theihtawp chhuahin hma an la mek zel bawk a ni.