Vawiin chawhma dar 11:00Am khan DC’s Conference Room-ah Siaha District Disaster Management Authority buatsaihin Ni hnih awh “Trining On School Safety” neih a ni. He training hi Pu. Ngurthansanga, Sub Deputy Commissioner leh DM&R Nodal Officer, Siaha District, Siaha ni bawkin a khaihruaia Pi  Lalnunmawii, SDO (S) Siaha District, Siaha chuan khuallian niin a hmanpui bawk.

He hun hmanpuitu Pi  Lalnunmawii chuan zirna Ina cheng tam ber naupangte himna pawimawhzia sawiin, an zirna tluk thoin an himna chu ngaih pawimawh tur a ni, a ti a. Hun kal tawha chhiatna thlengin naupang, school kal laite nunna tam tak a lo la tawh thin a, result tha kan duh luat avangin school in a him leh him loh pawh kan ngaihtuah hman lo a, school building sak danah kan duhtui lova, kan zirna inte hi hmun hlauhawm takah kan chantir ang tih ahlauhawm hle a, chuvangin chhiatna hrang hrang thleng thei laka kan zirna in himna hi school lama thuneitute chuan zirtirna pek tluk thoin a ngai pawimawh a ni, a ti bawk. School hrang hrang atang a zirtirtu kal khawmte chu he tianglama tanla turin a sawm nghal bawk a ni.

He training programme ah hian Pu VL. Zuithanga, District Organiser, DM&R Department leh mithiam dangte’n thupui hrang hrang hmangin kalkhawmte chu Power Point Presentation hmang zirtirna an pek bakah, School Disaster Management Plan siam dan te, Mock Drill neih dan te leh he lama kaihhnawi thil hrang hrangte zau takin an zirtir nghal bawk. Siaha District Disaster Management Authority chuan Siaha District chunga school tinte hian chhiatrupna a lo thlen thulha chet lak dan tur ruahmanna felfai tak tarlanna School Disaster Management Plan siam theuh turin school thuneitute an ngen nghal bawk.

Vawiin training programme ah hian Pu Ngurthansanga, SDC, DM&R Nodal Officer Siaha District ni bawk chuan lawm thu sawina hun a hman bakah, sawm bik school te leh Department sawmbik te an telkim hle a ni.