Chakma Autonomous District Council (CADC) hnuaiah Village Council pakhatah leh Lai Autonomous District Council (LADC) Village Council pariatah August ni 22, 2017 hian By-Election neih a ni dawn a. State Election Commission chuan a hnuai ami ang hian Schedule of Election chu a siam a ni: 

 Chakma Autonomous District Council leh Lai Autonomous District Council-a Village Council By-Election atan hian ni 1.1.2017 chu qualifying date-ah hmangin, ni 10.7.2017 atanga ni 25.7.2017 chhung khan Electoral Rolls ennawnna hna thawh a ni a. Final Electoral Roll hi ni 29.7.2017 khan tihchhuah a ni a, Chakma Autonomous District Council hnuaia By-Election neihna tur 82-Gabasury ah hian vote nei thei mi 112 an awm a, heng zinga mi 54 hi mipa an ni a, 58 hi hmeichhia an ni. Lai Autonomous District Council hnuaia By-Election neihna tur Village Councils 8 (Chawngtelui, Ngengpuitlang, Hmawngbuchhuah, Dumzautlang, Bolisora, Tuisentlang, Lawngtlai Vengpui leh Archhuang)-ah te hian a vaiin vote nei thei mi 3,164 an awm a; heng zinga mi 1,586 hi mipa an ni a, 1,578 hi hmeichhia an ni. Draft Electoral Rolls-a vote nei thei zat hi Final Electoral Roll-ah mi 50 in an pun belh a ni. 

CADC Area hnuaia 82-Gobasury ah hian In 52 awmin Village Council Member 1(pakhat) thihna avanga inthlanna hi buatsaih tur a ni a. LADC Area chhunga By-Election neihna turah hian ln 996 a awm a, Village Council 3(pathum) a seat 4 theuh awm te chu Dissolved, Village Council 2(pahnih) a seat 3(pathum) te chu member te banna leh Village Councils 3(pathum) hnuai a Member 1(pakhat) theuh te thihna avanga he By-Election hi buatsaih tur a ni.