4589/2024-2025
Lawngtlai, 9th March 2025: Chakma Autonomous District Council (CADC) huamchhunga Village Council (VC) inthlanna neih tur atana inbuatsaihna kal zelah vawiin khan Returning Officer (RO) leh Security Offical ten Lawngtlai chhuahsanin Chawngte an pan.
Vawiina tirhchhuah tak te hi - Returning Officer (RO)-88 leh Security Official - 88 an ni a. Zing dar 9:30 atanga chhuak tanin, dar 11:00 khan Chawngte hi an pan fel a ni. RO, PRO, PO leh Security Official- te hian naktuk March ni 10 hian Chawngte ah training an nei leh ang a, chumi hnu chuan an duty - na tur hmun theuh an pan tawh dawn a ni.
CADC huamchhungah hian Village Council (VC) - 88 awmin, Seat - 516 a awm a, mipa vote nei mi- 19,162 leh hmeichhia vote nei mi- 18,721 awmin, a vaiin vote nei mi- 37,883 an awm a ni . CADC Village Council (VC) inthlannaah hian ni 12, March 2025 ah vote thlak a ni ang a, hemi ni vêk hian vote chhiarna neih nghal a ni ang.
