4588/2024-2025

Lunglei, 2025 Vau thla ni 8: National Legal Services Authority-in ram puma National Lok Adalat buatsaih tura a tih angin vawiin khan Lunglei District Legal Services Authority (DLSA) chuan District Court Building, Lungleiah National Lok Adalat a buatsaih a. Lunglei District huam chhunga court la thlenpui loh thubuai hrang hrang bakah, mimal thubuai chi hrang hrang 131 ngaihtuah a ni.

Vawiina Lungleia National Lok Adalat-a thubuai ngaihtuah tur hian Bench pahnih buatsaih a ni a. Bench-I hi Lunglei Senior Civil Judge Pu BT Lala Sakachep chuan kaihruaiin, Bench-II hi Judicial Magistrate First Class Pu C. Lalbiakmuana'n a kaihruai thung a. Thubuai hrang hrang theh luh aṭang hian thubuai 16 sawi rempui niin, tihfel a ni a. Vawiina thubuai ngaihtuahah hian leiba inṭhinna a tam ber a, report buatsaih lai hian ₹18,25,241/- hu chin fel a ni.

Lok Adalat-ah hian thubuai neitute duh dan angin inremna ziahpui ṭhin a ni a. Sum sen ngai lovin thubuai hi chin felsak ṭhin a ni.