4523/2024-2025

Lawngtlai, 4th March 2025 : Chakma Autonomous District Council (CADC) huamchhunga Village Council (VC) inthlanna neih tur atana inbuatsaihna kal zelah vawiin khan Sector Officer puala training DC Conference Hall-ah neih a ni a. Pu Collin Hlychho, Election Officer chuan training hi a hmanpui.

Pu Collin Hlychho chuan Sector Officer- te chu an dinhmun leh pawimawhna hriaa, theihtawp chhuaha training turin a chah a. Inthlanna fel fai leh thianghlim tak awm turin Sector Officer -ten mawhpurhna hrang hrang an neihte hre chiang tur leh an tih leh tih loh turte chu zawm ngei tura chahin, tha taka training turin duhsakna a hlan a ni.

Pu Gilbert Lalhlimpuia, BDO, Bungtlang 'S' chuan 'power point presentation'  hmangin training hi a neihpui a. He hunah hian Sector Officer- ten  form fillup tur an neih hrang hrang te, Vote thlak ni leh vote thlak zawha an tih leh tih loh tur bakah Sector Officer tana hriat tur pawimawh awm ang angte inzirtirna hun an hmang a. Zawhna leh chhanna hun an hmang nghal bawk.

CADC huamchhungah hian  VC- 88 awmin,  mipa vote nei mi- 19,162  leh hmeichhia vote nei mi-18,721  awmin, a vaiin vote nei mi- 37,883 an awm a. Ni 12 March, 2025 zing dar 7:00 atanga tlai lam dar 4:00 thleng vote thlak tur niin, vote hi chhiar nghal a ni ang.