Vawiin khan Aizawl chhunga School leh College hrang hranga Campus Ambassador te tan training-cum-Awareness Programme on Electors Verification Programme chu DC Conference Hall, Aizawl ah neih a ni a. Aizawl District Bawrhsap Pu Vanlalngaihsaka'n a kaihruai a ni.

He training ah hian Election Commission of India in Special Summary Revision of Electoral Rolls, 2020 a kalpui ruala Electors Verification Programme (EVP) hman dan tur a duan chungchang leh awlsam taka EVP hi NVSP (National Voter Service )  Portal kaltlanga hman dan te zirho a ni.

EVP hnuaiah hian Electoral Roll a hming chuang tawhten an hming leh an chanchin kimchang dik leh diklo an mahni ngeiin an enfiahin an thlak danglam thei tawh dawn a, chumi atan chuan heng document zinga pakhat hi a hman theih a ni:- 1. Indian Passport, 2. Driving License, 3. Aadhar Card, 4. Ration Card 5. Identity Card for Govt/Semi Govt.officials,6. Bank Passbook, 7. Farmer's Identity Card

Electoral Roll a hming chuang tawhte hian an hming emaw an chanchin kimchang te an enchian a, siam that an duh chuan a hnuaia tarlan atang hian awlsam takin an en thei ang:-

1. Voter Helpline (Mobile Phone ah Playstore atangin a download theih)
2. NVSP Portal (www.nvsp.in)
3. Mahni ERO/AERO/BLO te hnen atangin enfiah leh siam that a theih.
4. Common Service Centre
5. Helpline No 1950