Mizoram State Elections 2013 atana Political Party leh an Candidate-te sum senso vawnfel dan tur ‘Expenditure Accounting’ chungchangah vawiin khan Lunglei DRDA Conference Hall-ah Lunglei DC/DEO Pu V.Sapchhunga hovin training neih a ni. He training-naah hian DEO bakah ARO Dr.Lalngura Tlau leh ARO Pu K.Vanlalthiana te chuan Election Commission of India duhdan anga Agent zawng zawngte chu pawisa hman danah fimkhur leh uluk turin an fuih bawk a ni.

Inthlan chhunga Candidate/Party-te sum senna tur ni thei thil hrang hrang rate-te chu a hmain DEO, election officials te leh party aiawhte nen ruat fel vek tawh a ni a. Heng ‘rate’ te hmanga Candidate leh Party te pawisa hmandan pawh chhut tur a ni dawn a ni.